Plantun de Prouvènço

Pèr coumpara dos planto d'encò nostre

Lilium martagon & Lilium pomponium

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.

Port : Grando erbo
Taio : 50 à 150 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Lilium
Famiho : Liliaceae

Ordre : Liliales

Coulour de la flour : Roso
Petalo : 6
Ø (o loungour) flour : 25 à 40 mm
Flourido : Printèms - Estiéu

Sòu : Ca
Autour basso e auto : 200 à 2200 m
Aparado : Vo
Jun à juliet

Liò : Prado umido - Melounié - Faio - Prado à rousèu
Estànci : Subremediterran à Subaupen
Couroulougi : Bourealo
Ref. sc. : Lilium martagon L., 1753

Ile(-de-Poumpoune)

Lilium pomponium

Liliaceae

Àutri noum : Iéri, Lile.

Noms en français : Lis turban, Lis de Pompone.

Descripcioun :
Poulit ile arange que vèn bèn, en basso mountagno, dins li pendis roucassous, de coumpagno emé lou genestoun Genista cinerea. Ei pas poussible de s'engana.

Usanço :
Es uno meno aparado que fau pas culi.